ភ្នំពេញ : អភិបាលខណ្ឌសែនសុខ លោក ម៉ូវ ម៉ានិត ចាត់ទុកថា ការតវ៉ារបស់សមាជិកគណបក្សភ្លើងទៀន នៅភូមិបាយាប ត្រឹមត្រូវទៅតាមច្បាប់ ។ថ្លែងតាមទូរសព្ទប្រាប់សារព័ត៌មាន Cam Post នៅព្រឹកថ្ងៃទី១៨ ខែធ្នូ លោក ម៉ូវ ម៉ានិត បានបញ្ជាក់ថា ការតវ៉ារបស់សមាជិកគណបក្សភ្លើងទៀន នៅភូមិបាយាប មិនបង្ករផលប៉ះពាល់ដល់សណ្ដាប់ធ្នាប់ នោះទេ ពោលធ្វើទៅតាមនិតិវិធីច្បាប់ និងរំសាយទៅវិញប្រហែលម៉ោង១០ព្រឹក។ ប៉ុន្តែការតវ៉ានេះ លោកចាត់ទុកថា ជារឿងផ្ទៃក្នុង ហើយសមាជិកគណបក្សភ្លើងទៀន ក៍មិនបានដាក់លិខិតមកអាជា្ញធរដែរ ។តាមសេចក្ដីរាយការណ៍ សមាជិកគណបក្សភ្លើងទៀនជាច្រើននាក់ នៅព្រឹកថ្ងៃទី១៨ ខែធ្នូ នេះ បានផ្ទុះការតវ៉ាទាមទារឲ្យលោក ទាវ វណ្ណល និងលោក លី សុធារ៉ាយុត្តិ ចុះចេញពីតំណែង ដោយឥតលក្ខខណ្ឌ ចាប់ពីថ្ងៃនេះតទៅ។ ការតវ៉ានេះបានធ្វើឡើង នៅមុខស្នាក់ការកណ្តាលគណបក្ស ស្ថិតនៅក្នុងវិមានពិភពថ្មីសែនសុខ ក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ៕
0
លោក ម៉ូវ ម៉ានិត ថា ការតវ៉ារបស់សមាជិកគណបក្សភ្លើងទៀន នៅភូមិបាយាប មិនបង្ករផលប៉ះពាល់ដល់សណ្ដាប់ធ្នាប់ទេ
Filed in: ព័ត៌មានជាតិ