ត្បូងឃ្មុំ៖ គណបក្សប្រជាជនកម្ពុជា ស្រុកអូររាំងឪ ខេត្តត្បូងឃ្មុំ បានរៀបចំពិធីដង្ហែក្បួនបិទយុទ្ធនាការឃោសនាបោះឆ្នោត ជ្រើសតាំងតំណាងរាស្រ្ត នីតិកាលទី៧ ក្រោមអធិបតីភាព ឯកឧត្តម អ៊ាង សុផល្លែត សមាជិកគណៈកម្មាធិការកណ្តាលគណបក្សប្រជាជនកម្ពុជា និង ជាប្រធានក្រុមការងារគណបក្សចុះមូលដ្ឋានស្រុកអូររាំងឪ ខេត្តត្បូងឃ្មុំ និងលោកជំទាវ ដោយពីថ្នាក់ដឹកនាំ សមាជិក-សមាជិការចូលរួមប្រមាណជាង ៧០០០នាក់ នៅស្នាក់ការគណបក្សស្រុកអូរាំងឪ នៅព្រឹកថ្ងៃទី២១ ខែកក្កដា ឆ្នាំ២០២៣ ។
បន្ទាប់ពីកម្មវិធីបិទ ឯកឧត្តមប្រធាន និងលោកជំទាវ បានដឹកនាំសមាជិក-សមាជិកា ក្បួនថ្មើរជើងពីស្នាក់ការគណបក្សស្រុកឆ្ពោះទៅ ផ្សារអូររាំងឪ និង បណ្តាឃុំទាំង៧ នៃស្រុកអូររាំងឪ បានដង្ហែក្បួនយុទ្ធនាការឃោសនាបោះឆ្នោតទៅតាមមូលដ្ឋានរៀងៗខ្លួន៕
