រុស្ស៊ីអះអាងថាបានបាញ់មីស៊ីលដែលបានសម្លាប់ឧត្តមសេនីយ៍និងមន្ត្រីអ៊ុយក្រែន៥០នាក់

ក្រសួងការពារជាតិរុស្ស៊ីបាននិយាយនៅថ្ងៃនេះថាខ្លួនបានបាញ់មីស៊ីល Kalibr នៅមជ្ឈមណ្ឌលបញ្ជាការអ៊ុយក្រែនដោយបានសម្លាប់ឧត្តមសេនីយ៍និងមន្ត្រីជាង៥០នាក់។ការវាយប្រហារនេះបានកើតឡើងនៅជិតភូមិ ShirokayaDacha ក្នុងតំបន់ Dnepropetrovsk កណ្តាលអ៊ុយក្រែន ។នេះបើយោងតាមសេចក្តីថ្លែងការណ៍របស់ក្រសួងការពារជាតិរុស្ស៊ី។ ទីក្រុងម៉ូស្គូបាននិយាយថា កាំជ្រួចបានកំណត់គោលដៅលើបរិវេណដែលមេបញ្ជាការនៃអង្គភាពអ៊ុយក្រែនជាច្រើនកំពុងប្រមូលផ្តុំសម្រាប់កិច្ចប្រជុំមួយ។លើសពីនេះកាំជ្រួច Kalibr ដែលបាញ់ចេញពីនាវាចម្បាំងក៏បានបំផ្លាញយន្តហោះ M777 ចំនួន១០គ្រឿងនិងរថពាសដែកចំនួន២០គ្រឿងផងដែរ។ពួកគេទើបតែត្រូវបានបញ្ជូនទៅកាន់ប្រទេសអ៊ុយក្រែនដោយលោកខាងលិចហើយរក្សាទុកនៅក្នុងរោងចក្រមួយក្នុទីក្រុងNikolayev ភាគខាងត្បូងនៃប្រទេស។ជាមួយគ្នានេះអគ្គសេនាធិការនៃកងកម្លាំងប្រដាប់អាវុធអ៊ុយក្រែនបានប្រកាសនៅថ្ងៃនេះថាកាំភ្លើងធំអ៊ុយក្រែនបានបំផ្លាញគ្រាប់មីស៊ីលរុស្ស៊ីជាច្រើនគ្រឿង។បន្ទាប់ពីចាប់ផ្តើមប្រតិបត្តិការយោធានៅប្រទេសអ៊ុយក្រែនកាលពីថ្ងៃទី ២៤ ខែកុម្ភៈ កងកម្លាំងរុស្ស៊ីក្នុងប៉ុន្មានសប្តាហ៍ថ្មីៗនេះបានផ្តោតជាសំខាន់ទៅលើភាគខាងកើត និងភាគខាងត្បូងអ៊ុយក្រែន។នៅភាគខាងត្បូងអ៊ុយក្រែន ប្រទេសរុស្ស៊ីបានគ្រប់គ្រងខេត្ត Kherson និងភាគច្រើននៃខេត្តZaporizhzhia ។ នៅភាគខាងកើតទីក្រុង២គឺ Severodonetskនិង Lysychansk បានក្លាយជា “អណ្តាតភ្លើង” នៃកាំភ្លើងធំរុស្ស៊ីក្នុងរយៈពេលប៉ុន្មានសប្តាហ៍កន្លងមកនេះ។ ប្រសិនបើរុស្ស៊ីដណ្តើមបានទីក្រុទាំង២នេះ រុស្ស៊ីនឹងគ្រប់គ្រងទាំងស្រុងខេត្ត Lugansk ដោយហេតុនេះបង្កើតច្រកផ្លូវទៅកាន់ទីក្រុង Sloviansk
និង Kramatorsk ដែលជាទីក្រុងមួយនៅតំបន់ Donetsk ។ ទាំងនេះនឹងក្លាយជាគោលដៅចុងក្រោយសម្រាប់រុស្ស៊ីក្នុងការបំពេញគោលដៅ “រំដោះ” តំបន់ Donbass នៅភាគខាងកើតអ៊ុយក្រែន៕យោងតាមRT.