បរទេសៈប្រធានាធិបតីZelenskyបានបង្ហោះវីដេអូនៅការិយាល័យរបស់លោកក្នុងទីក្រុងKievដោយបដិសេធថាលោកមិនបានចាកចេញពីអ៊ុយក្រែនទៅប៉ូឡូញទេ។ប្រធានាធិបតីអ៊ុយក្រែនលោកVolodymyr Zelensky បាននិយាយនៅក្នុងសេចក្តីថ្លែងការណ៍មួយថា”ពាក្យចចាមអារ៉ាមថាខ្ញុំបានចាកចេញពីអ៊ុយក្រែនលេចឡើងជារៀងរាល់ថ្ងៃ។ខ្ញុំនៅតែនៅទីនេះនៅទីក្រុងKievក្នុងការិយាល័យរបស់ខ្ញុំ។ ប្រធានបុគ្គលិក Andrey Borisovich ក៏នៅទីនេះដែរ។ គ្មាននរណាម្នាក់បានភៀសខ្លួនទេ” ។ Instagram ថ្ងៃនេះ។សេចក្តីថ្លែងការណ៍នេះធ្វើឡើងដោយលោក Zelensky បន្ទាប់ពីប្រធានសភាជាន់ទាបរុស្ស៊ីលោក Vyacheslav Volodin បាននិយាយថាប្រធានាធិបតីអ៊ុយក្រែនបានចាកចេញពីទីក្រុងគៀវ។លោក VolodinបានសរសេរនៅលើTelegramកាលពីម្សិលមិញថា “Zelensky បានចាកចេញពីអ៊ុយក្រែនហើយ។ សមាជិកសភាអ៊ុយក្រែននិយាយថាមិនអាចជួបលោកនៅ Lviv បានទេ។លោកស្ថិតនៅក្នុងប្រទេសប៉ូឡូញ”។ប្រធានសភាជាន់ទាបរបស់រុស្ស៊ីមុននេះក៏បានដកស្រង់ប្រភពនៅក្នុងប្រទេសអ៊ុយក្រែនផងដែរដោយនិយាយថាប្រធានាធិបតី Zelensky បានចាកចេញពីទីក្រុងKievទៅកាន់ទីក្រុង Lviv នៅភាគខាងលិចនៃប្រទេស។ លោកបានបន្ថែមថារាល់វីដេអូរបស់ប្រធានាធិបតីអ៊ុយក្រែនដែលបង្ហោះលើបណ្ដាញសង្គមត្រូវបានថតទុកជាមុន។បន្ទាប់ពីរុស្ស៊ីបានប្រកាសបើកប្រតិបត្តិការយោធានៅអ៊ុយក្រែនកាលពីថ្ងៃទី២៤ខែកុម្ភៈប្រធានាធិបតី Zelensky បានបដិសេធម្តងហើយម្តងទៀតនូវព័ត៌មានដែលថាលោកបានចាកចេញពីKiev ហើយបញ្ជាក់ថាលោកនឹងស្នាក់នៅក្នុងរដ្ឋធានី។មេដឹកនាំអ៊ុយក្រែនក៏បានច្រានចោលសំណើរបស់សហរដ្ឋអាមេរិកក្នុងការជម្លៀសចេញសូម្បីតែនៅពេលមានការព្រមានថាលោកអាចជា”គោលដៅទី១” និងគ្រួសាររបស់លោក”គោលដៅទី២”ក៏ដោយ។រុស្ស៊ីបានបើកប្រតិបត្តិការយោធាពិសេសនៅអ៊ុយក្រែនចាប់ពីថ្ងៃទី២៤ខែកុម្ភៈហើយសង្រ្គាមបានឈានចូលដល់ថ្ងៃទី ១០ ហើយ។ កងកម្លាំងរុស្ស៊ីកំពុងបន្តឡោមព័ទ្ធ និងវាយលុកទីក្រុងជាច្រើនរបស់អ៊ុយក្រែន រួមទាំងរដ្ឋធានី Kiev និង Kharkov ដែលជាទីក្រុងធំទីពីរនៅក្នុងប្រទេស។ទីក្រុងម៉ូស្គូទទូចថាខ្លួនផ្តោតតែលើហេដ្ឋារចនាសម្ព័ន្ធយោធាប៉ុណ្ណោះ។បន្ទាប់ពីកិច្ចចរចាជុំទីពីរនៅថ្ងៃទី៣ខែមីនាគណៈប្រតិភូរុស្ស៊ី-អ៊ុយក្រែនបានព្រមព្រៀងគ្នាបង្កើតច្រករបៀងមនុស្សធម៌ដើម្បីជម្លៀសជនស៊ីវិលនៅតំបន់ឡោមព័ទ្ធ។ប៉ុន្តែគ្មានកិច្ចព្រមព្រៀងឈប់បាញ់ត្រូវបានសម្រេច។ ប្រទេសទាំង២គ្រោងនឹងធ្វើការចរចាជុំទីបីនៅចុងសប្តាហ៍នេះ។ ប្រធានាធិបតីអ៊ុយក្រែនលោក Zelensky ក៏បានអំពាវនាវឱ្យមានការចរចាដោយផ្ទាល់ជាមួយសមភាគីរុស្ស៊ីលោក Vladimir Putin ដោយនិយាយថា នេះគឺជាមធ្យោបាយតែមួយគត់ក្នុងការទប់ស្កាត់ជម្លោះរវាងភាគីទាំង២៕យោងតាមTASS/Interfax
