សូម​ស្វាគមន៍​ សម្តេច ទ្រង់ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រយើងខ្ញុំ !​ ទូរទស្សន៍​ ព្រះវិហារអនឡាញ​ផ្តល់ជូនព័ត៌មានថ្មីៗ ទាន់ហេតុការណ៍ ! សូមអរគុណ​!
0

លោកស្រីវេជ្ជបណ្ឌិតឱ វណ្ណឌីនអំពាវនាវសារជាថ្មី“យើងត្រូវរួមគ្នាទប់ស្កាត់ការចម្លងវីរុសកូវីដ-១៩

ភ្នំពេញៈលោកស្រី​វេជ្ជបណ្ឌិត​ ឱ​ វណ្ណឌីន​រដ្ឋលេខាធិការ​និងជាអ្នកនាំពាក្យក្រសួង​ក្រសួង​សុខាភិបាល​បានថ្លែងបញ្ជាក់នៅព្រឹកថ្ងៃ​ពុធទី១៦​ខែកុម្ភៈ​ឆ្នាំ២០២២នេះ​ថា៖​ខ្ញុំសុំឆ្លើយទៅនឹងសំណួរអ្នកសារព័ត៌មានថា៖-​ក្រសួងសុខាភិបាលបានអំពាវនាវហើយអំពាវនាវទៀតវិធានការក៏បានដាក់ចេញជាហូរហែរច្រើនរួចហើយ​ដែរនៅឡើយតែការចូលរួមអនុវត្តពីបុគ្គលគ្រប់រូបនៅពេលនេះ​ដោយសូមឱ្យចូលរួមអនុវត្តបន្តនូវវិធានការ​ ៣ការពារ​និង៣កុំ​រួមជាមួយនិងការចាក់វ៉ាក់សាំងកូវីដ-១៩​ជាពិសេសដូសទី៣ឬដូសជំរុញនេះ​ ជាវិធានការល្អអាចជួយបុគ្គលគ្រប់រូបពីការវ៉ៃលុកនៃអូមីក្រុងធ្ងន់ធ្ងរ​និងជួយអាយុជីវិតលោកអ្នកបាន។-​នៅតាមបណ្តាប្រទេសមួយចំនួនលើសាកលលោ​និងក្នុងតំបន់មានរកឃើញករណីឆ្លងអូមីក្រុងជារៀងរាល់ថ្ងៃ​ ក្នុងនោះក៏មានកម្ពុជាយើងដែរ​ហើយករណីស្លាប់នៅតាមបណ្តាប្រទេសមួយចំនួននោះ​ ក៏កើតមានរួចហើយដែរ​ នៅលើអ្នកដែលមានជំងឺប្រចាំកាយ​និងអ្នកដែលមិនបានចាក់​វ៉ាក់សាំង ឬចាក់មិនគ្រប់ដូស។ដូច្នេះ​មិនត្រូវមើលស្រាលលើលទ្ធភាពវ៉ៃលុកនៃវីរុសអូមីក្រុងនាពេលនេះឱ្យសោះ។-​អូមីក្រុងបាននិងកំពុងឆ្លងនៅក្នុងសហគមន៍យើងហើយណា​ជាពិសេសកន្លែងដែលមានមនុស្សម្នាច្រើនកុះករកន្លែងបិទជិតៗគ្មានខ្យល់ចេញចូលប្រើតែម៉ាស៊ីនត្រជាក់និងកន្លែងជួបជុំគ្នាច្រើនពេកខ្វះការអនុវត្តន៍វិធានការ​ ៣ការពារ​ និង៣កុំ​ ហើយឱ្យតែយើធ្វេសប្រហែស​ លទ្ធភាពនៃការឆ្លង​ គឺមានខ្ពស់ហើយ។លោកស្រី​វេជ្ជបណ្ឌិត​ ឱ​ វណ្ណឌីន​ បានថ្លែងបន្តថា​ ខ្ញុំសូមធ្វើការអំពាវនាវសារជាថ្មី​ យើងត្រូវរួមគ្នាទប់ស្កាត់ការចម្លងវីរុសកូវីដ-១៩​ ពីពេលនេះតទៅ ដោយត្រូវបន្តអនុវត្ត៖១.​ នាំមនុស្សជាទីស្រឡាញ់របស់ខ្លួនទៅចាក់វ៉ាក់សាំងកូវីដ-១៩​ ឱ្យបានគ្រប់គ្នា​គ្រប់ដូសមូលដ្ឋាន​ និងដូសជំរុញ​ ឥឡូវនេះ​ កុំបីអាក់ខានឱ្យសោះឡើយ។២.​យកចិត្តទុកដាក់​បន្តអនុវត្តន៍វិធានការ​៣​ការពារ​ (ពាក់ម៉ាសឱ្យបានត្រឹមត្រូវ​លាងសម្អាតដៃញឹកញាប់​ រក្សាគម្លាតសុវត្ថិភាពពីមួយម៉ែតកន្លះឡើង)​និង​៣កុំ​ដូចជា៖-​កុំបង្កឱ្យមានការជួបជុំគ្នាក្នុងចំនួនកើនឡើងច្រើនពេកដែលជាហានិភ័យខ្ពស់ណាស់ក្នុងដំណាក់កាលរាតត្បាតអូមីក្រុងនេះ​ហើយកុំអង្គុយជិតៗគ្នាពេកចាំបាច់ត្រូវអនុវត្តគម្លាតសុវត្ថិភាពបុគ្គលតាមការណែនាំរបស់ក្រសួងសុខាភិបាល​និងអាជ្ញាធរមូលដ្ឋាន។-​ កុំទៅកន្លែងមនុស្សច្រើនកុះករ​ កន្លែងបិទជិតៗ​ កុំជួបជុំគ្នាច្រើនជាដើម។ ៣.​ បើមានការសង្ស័យ៖​សុំធ្វើតេស្តរហ័សដោយខ្លួនឯង​ បើវិជ្ជមានកូវីដ-១៩​ សុំនៅដាច់ដោយឡែក​ អនុវត្តន៍ការព្យាបាលនិងថែទាំនៅតាមផ្ទះឱ្យបានហ្មត់ចត់ចៀសវាងចម្លងបន្តទៅសមាជិកគ្រួសារនៅក្នុងផ្ទះរបស់ខ្លួន​ដោយអនុវត្តន៍តាមគោលការណ៍ណែនាំប្រត្តិបត្តិសម្រាប់ការព្យាបាលនិងថែទាំតាមផ្ទះ​ ដែលក្រសួងសុខាភិបាលបានចេញផ្សាយរួចហើយ​ឱ្យបានត្រឹមត្រូវ។៤.​ ចូលរួមផ្សព្វផ្សាយនូវវិធានការការពារខាងលើដល់ក្រុមគ្រួសារ​ និងសហគមន៍របស់យើង​ ដើម្បីរួមគ្នាទប់ស្កាត់ការចម្លងវីរុសកូវីដ-១៩​ អូមីក្រុងនេះ​ កុំឱ្យរាតត្បាតធំធេង​ឱ្យសោះ​ ពីពេលនេះតទៅ៕ដោយ៖(យាយពេញ).

00128439

Filed in: ព័ត៌មានជាតិ

Leave a Reply

Submit Comment