ប្រទេសអាហ្គានីស្ថានៈតាលីបង់បានចាប់យកជីវមាត្រយោធាអាមេរិកហើយអាចប្រើវាដើម្បីតាមដានជនជាតិអាហ្វហ្កានីស្ថានដែលបានគាំទ្រកម្លាំងនេះ។មន្រ្តីបញ្ជាការប្រតិបត្តិការពិសេសម្នាក់និងអតីតទាហានអាមេរិកបីនាក់បាននិយាយថាតាលីបង់បានទទួលឧបករណ៍កំណត់អត្តសញ្ញាណអន្តរកម្មដែលកាន់ដោយដៃ(HIIDEs)ជាច្រើនអំឡុងប្រតិបត្តិការវាយលុកកាលពីសប្តាហ៍មុន។នេះគឺជាឧបករណ៍ពិសេសដែលអាចស្កេនស្នាមម្រាមដៃនិងមុខដើម្បីកំណត់អត្តសញ្ញាណមនុស្សម្នាក់។HIIDE ភ្ជាប់ទៅនឹងប្រអប់ឧបករណ៍ស្វ័យប្រវត្តិកម្មជីវមាត្រ (BAT) ដែលជាកម្មវិធីកែសំរួលអត្តសញ្ញាណដែលត្រូវបានប្រើដោយកងទ័ពអាមេរិកដើម្បីរកការគំរាមកំហែងដែលអាចបង្កើតរបាយការណ៍តាមដានជីវមាត្រនិងជូនដំណឹងដល់ប្រតិបត្តិករអំពីនរណាម្នាក់នៅក្នុងបញ្ជីតាមដាន។បើក្រុមតាលីបង់មិនអាចចូលមើលទិន្នន័យបាននោះសេវាកម្មស៊ើបការណ៍រួមរបស់ប៉ាគីស្ថានដែលត្រូវបានគេជឿថាមានទំនាក់ទំនងជិតស្និទ្ធជាមួយក្រុមនេះអាចផ្តល់ឧបករណ៍ដើម្បីធ្វើដូច្នេះ។ ប្រសិនបើក្រុមតាលីបង់មានលទ្ធភាពចូលទៅកាន់មូលដ្ឋានទិន្នន័យនោះក្រុមនេះនឹងកាន់តែងាយស្រួលក្នុងការប្រើប្រាស់ HIIDE ដើម្បីរកឃើញជនជាតិអាហ្វហ្គានីស្ថានដែលបានសហការជាមួយអាមេរិក។ក្រសួងការពារជាតិអាមេរិកមិនបានធ្វើអត្ថាធិប្បាយអំពីព័ត៌មាននេះទេ។ជនជាតិអាហ្វហ្គានីស្ថានជាច្រើនដែលមិនត្រូវបានគេជម្លៀសចេញកំពុងប្រញាប់ប្រញាល់ដកភ័ស្តុតាងណាមួយពីកងទ័ពអាមេរិកបន្ទាប់ពីក្រុមតាលីបង់បានចូលទីក្រុងកាប៊ុលនិងបញ្ចប់ការគ្រប់គ្រងនៅប្រទេសអាស៊ីកណ្តាលមួយនេះ។ស្ត្រីម្នាក់ដែលធ្វើការនៅក្នុងរដ្ឋាភិបាលអាហ្វហ្គានីស្ថានបានដុតឯកសារទាំងអស់ដែលទាក់ទងនឹងការងារចាស់របស់នាង។ប៉ុន្តែខ្លាចថាទិន្នន័យជីវមាត្រដែលផ្តល់ដល់យោធាអាមេរិកនឹងត្រូវបានប្រើដោយតាលីបង់ដើម្បីតាមដាននាង។ជនជាតិអាហ្វហ្គានីស្ថានរាប់ពាន់នាក់បានប្រមូលផ្តុំគ្នានៅអាកាសយានដ្ឋានHamid Karzaiក្នុងទីក្រុងកាប៊ុលនៅថ្ងៃទី១៥ខែសីហានៅពេលដែលពួកតាលីបង់បានចូលក្នុងទីក្រុងដែលធ្វើឱ្យយន្តហោះមិនអាចជម្លៀសជាច្រើនចេញដំណើរបាន។យោធាអាមេរិកកំពុងព្យាយាមពន្លឿនការជម្លៀសប្រជាជនដោយមានគោលដៅនាំមនុស្ស ៥.០០០-៩.០០០ នាក់ចេញពីអាហ្វហ្គានីស្ថានជារៀងរាល់ថ្ងៃ៕យោងតាមBusiness Insider.
