កោះកុង៖ នៅរសៀលថ្ងៃទី២៤ ខែមីនា ឆ្នាំ២០១៧ ឯកឧត្តម ប៊ុន លើត អភិបាល នៃគណៈអភិបាលខេត្ត កោះកុង និងអមដំណើរដោយថ្នាក់ដឹកនាំមន្ទីរ អង្គភាព ជុំវិញខេត្តបានចុះសួរសុខទុក្ខកងកម្លាំងនៃទីបញ្ជាការតំបន់ប្រតិបត្តិកាសឹករងស្រុកមណ្ឌលសីម៉ាខេត្តកោះ កុង។
ក្នុងឱកាសនេះ ឯកឧត្តម ប៊ុន លើត អភិបាលខេត្ត បានកោតសរសើរចំពោះកងកម្លាំងប្រតិបត្តិការសឹងរង ដែលខិតខំយកចិត្តទុកដាក់កសាងអង្គភាពបានល្អ ជាមួយគ្នានេះឯកឧត្តមបានផ្តល់កិត្តិយសបំពាក់គ្រឿងឥស្សរិយៈយសជូនដល់នាយទាហ៊ាន ពលទាហ៊ាន ដែលមានស្នាដៃ និងជូនលិខិតថ្លែងអំណរគុណចំពោះ សប្បុរសជន ដែលបានជួយឧបត្ថម្ភគាំទ្រក្នុងការជួយ ក៏សាងអង្គភាពក្នុងរយះពេលកន្លងមក។
ជាមួយគ្នាផងដែរ ឯកឧត្តមសេនីយ៍ទោ សោម សាមិត្ត មេបញ្ជាររងភូមិភាគទី៣ និងឯក ឧត្តមសេនីយ៍ត្រី សុខ សុវត្ថិទុម មេបញ្ជាការតំបន់ប្រតិបត្តិការសឹងកោះកុង បានផ្តល់កិត្តិយសបំពាក់ឋានន្តរស័ក្តិ ជូននាយទាហ៊ាន និងពលទាហ៊ានផងដែរ។
ក្នុងនោះផងដែរ ឯកឧត្តម ប៊ុន លើត អភិបាលខេត្ត បានពាំនាំនូវគ្រឿង ឧបភោគបរិភោគមួយចំនួន និង ថវិកាចំនួន៥លាន រៀល និងផ្ដាំផ្ញើដល់នាយទាហ៊ាន ពលទាហ៊ានទាំង អស់ ត្រូវខិតខំបន្តទៀតបន្ទាប់មកឯកឧត្តមបានកាត់ខ្សែបូរណ៍ដាក់ឲ្យប្រើ ប្រាស់នូវអាគារប្រជុំមួយខ្នង ចាប់ពីថ្ងៃនេះតទៅ៕ដោយង៉ែត សុគន្ធី
