ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល អញ្ជើញចុះសួរសុខទុក្ខបងប្អូនអ្នកជំងឺក្នុងមន្ទីរពេទ្យជាតិ

រាជធានីភ្នំពេញ :នៅរសៀលថ្ងៃ ព្រហស្បតិ៍ ១រោច  ខែមាឃ ឆ្នាំរោង ឆស័កពុទ្ធសករាជ២០២៥ត្រូវនឹងថ្ងៃទី១៣​ ខែកុម្ភៈ​ ឆ្នាំ២០២៥ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាលបន្ទាប់ពីបានចុះសួរសុខទុក្ខបងប្អូនអ្នកជំងឺក្នុងមន្ទីរពេទ្យជាតិ និងបន្តជួបជាមួយថ្នាក់ដឹកនាំមន្ទីរពេទ្យកាល់ម៉ែត រួមជាមួយ ថ្នាក់ដឹកនាំក្រសួងសុខាភិបាល ដើម្បីស្តាប់ និងពិនិត្យវឌ្ឍនភាព សមត្ថភាពនៃសេវាថែទាំព្យាបាលកម្រិតបច្ចេកទេសវេជ្ជសាស្ត្រស្មុគ្រស្មាញ (Complex and complicated patient cases) ដែលតម្រូវឱ្យមានគំនិតយោបល់ពហុជំនាញ និងឯកទេសច្រើនក្នុងពេលតែមួយ (RCP urgente / Urgent multidisciplinary meeting) សំដៅប្រសិទ្ធភាពលើការសម្រេចចិត្តទាំងការផ្តល់រោគវិនិច្ឆ័យ និងជម្រើសវិធីសាស្ត្រព្យាបាល(Efficient therapeutic approach)៕