ក្រុមការងាររាជរដ្ឋាភិបាលចុះមូលដ្ឋានខណ្ឌពោធិ៍សែនជ័យ បានរៀបចំពិធីបុណ្យកាន់បិណ្ឌទី៧នៅវត្តតាំងកសាងខាងត្បូង ក្នុងខណ្ឌពោធិ៍សែនជ័យ រាជធានីភ្នំពេញ

ភ្នំពេញ៖ នាព្រឹកថ្ងៃទី១៤ ខែកញ្ញា ឆ្នាំ២០២៥ ឯកឧត្តម ងុយ រិទ្ធ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខណ្ឌពោធិ៍សែនជ័យ អមដោយ ឯកឧត្តម លោកជំទាវ ប្រធានអនុប្រធាន និងសមាជិកក្រុមការងាររាជរដ្ឋាភិបាលចុះមូលដ្ឋានតាមបណ្តាសង្កាត់ទាំង៧ ខណ្ឌពោធិ៍សែនជ័យ រួមជាមួយ លោក អ៊ិត ជំនិត ប្រធានក្រុមប្រឹក្សាខណ្ឌ លោក សក់ ច័ន្ទកញ្ញារិទ្ធអភិបាលនៃគណៈអភិបាលខណ្ឌពោធិ៍សែនជ័យ បានចូលរួមពិធីបុណ្យកាន់បិណ្ឌទី៧ នៅវត្តតាំងកសាងខាងត្បូង ក្នុងខណ្ឌពោធិ៍សែនជ័យ រាជធានីភ្នំពេញ។ទេយ្យទានដែលប្រគេនព្រះសង្ឃរួមមាន បច្ច័យ ស្លាដក ផ្លែឈើ អង្ករ មី ត្រីខ ទឹកក្រូច ទឹកដោះគោខាប់ ស្ករស ទឹកបរិសុទ្ធ និងទឹកត្រី។