កម្ពុជា-អាមេរិក ពិភាក្សាបញ្ហាមួយចំនួនពាក់​ព័ន្ធនឹងការរីក​សាយភាយ​អាវុធ​នុយ​ក្លេអ៊ែរ ការគ្រប់គ្រងអាវុធ និង​បច្ចេកវិទ្យាបញ្ញាសិប្បនិម្មិត​ក្នុងវិស័យយោធា និងអាវុធគីមី

ភ្នំពេញ: ឯកឧត្តម កែ សុវណ្ណ អនុរដ្ឋលេខាធិការក្រសួងការបរទេស និងសហ​ប្រតិបត្តិការអន្តរជាតិបានទទួលជួបឯកឧត្តម Paul Dean, Principal Deputy Assistant Secretary of State for Arms Control, Deterrence and Stability នៃក្រសួងការបរទេសសហរដ្ឋអាមេរិកនៅទីស្តីការក្រសួង នៅថ្ងៃទី៨ ខែសីហា ឆ្នាំ២០២៤ ។

នៅក្នុងកិច្ចជំនួបនេះ ភាគីទាំងពីរបានពិភាក្សាបញ្ហាមួយចំនួនពាក់​ព័ន្ធនឹងការរីកសាយភាយអាវុធនុយក្លេអ៊ែរ ការគ្រប់គ្រងអាវុធ និង​បច្ចេកវិទ្យាបញ្ញាសិប្បនិម្មិតក្នុងវិស័យយោធា និងអាវុធគីមីដោយ​ផ្អែកលើទស្សនៈចូលរួមចំណែកដល់សន្តិភាព និងសន្តិសុខក្នុងតំបន់ និងអន្តរជាតិ៕