ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អញ្ជើញជាអធិបតី នៃការប្រកួតរ៉ូបូតថ្នាក់ជាតិ លើកទី១១ រៀបចំដោយអគ្គនាយកដ្ឋានទូរទស្សន៍ជាតិកម្ពុជា នៃក្រសួងព័ត៌មាន

ភ្នំពេញៈនៅថ្ងៃទី១៣ ខែកក្កដា ឆ្នាំ២០២៤ នាសាលរោងដំរី ពហុកីឡដ្ឋានមរតកតេជោ, គោលបំណងនៃការប្រកួតរ៉ូបូតថ្នាក់ជាតិលើកទី១១ គឺដើម្បីផ្តល់ឱកាសដល់និស្សិត មកពីបណ្តាលវិទ្យាស្ថាន និងសកលវិទ្យាល័យផ្សេងៗ បង្ហាញសមត្ថភាពស្រាវជ្រាវ និងផលិត ឧបករណ៍បច្ចេកវិទ្យាជារ៉ូបូតដោយផ្ទាល់ក្នុងការចូលរួមប្រកួតប្រជែង និងស្វែងរកក្រុមជើងឯក សម្រាប់តំណាងកម្ពុជា ទៅប្រកួតប្រជែងរ៉ូបូតថ្នាក់អន្តរជាតិនៅប្រទេសវៀតណាម នាខែសីហា ឆ្នាំ២០២៤ខាងមុខនេះ។

ក្រុមរ៉ូបូតដែលមកចូលរួមប្រកួតប្រជែងនាឱកាសនេះ មានចំនួន ៩ក្រុម មកពី វិទ្យាស្ថានជាតិពហុបច្ចេកទេសកម្ពុជា (NPIC) មានរ៉ូបូតចំនួន ២ក្រុម, វិទ្យាស្ថានជាតិបណ្តុះបណ្តាលបច្ចេកទេស (NTTI) មានរ៉ូបូតចំនួន ១ក្រុម, បណ្ឌិត្យសភាបច្ចេកវិទ្យាឌីជីថលកម្ពុជា (CADT) មានរ៉ូបូតចំនួន ២ក្រុម, សាកលវិទ្យល័យជាតិគ្រប់គ្រង (NUM) មានរ៉ូបូតចំនួន ២ក្រុម, និងវិទ្យាស្ថានបច្ចេកទេសកម្ពុជា (ITC) មានរ៉ូបូតចំនួន ២ក្រុម ៕